Sport

Fékk nóg og strunsaði út úr við­tali

Aron Guðmundsson skrifar
Wilder var allt annað en sáttur með spurningar Simon Jordan um Tyson Fury
Wilder var allt annað en sáttur með spurningar Simon Jordan um Tyson Fury MYND:Skjáskot/talkSPORT

Það fór allt í háa­loft þegar að hnefa­leika­kapparnir Deontay Wild­er og Derek Chisora, sem mætast í hringnum í apríl, mættu í við­tal hjá talk­SPORT. Wild­er var ósáttur við spurningar sem hann fékk um Ty­son Fury og rauk út úr viðtalinu eftir hvöss orða­skipti.

Það var Simon Jordan, einn af umsjónarmönnum viðtalsins hjá talkSPORT sem reyndi ítrekað að spyrja Wilder út í Tyson Fury en kapparnir hafa í þrígang mæst í hnefaleikahringnum. Í fyrsta bardaganum endaði bardagi Fury og Wilder með jafntefli en seinni tveimur bardögunum lauk með sigri Fury.

Frá bardaga Wilder og Fury á sínum tíma í Las VegasVísir/Getty

Síðan þá hefur Wilder gefið Fury að sökum að hafa svindlað með margvíslegum hætti og óhætt er að segja að komandi bardagi hans við Chisora hafi fallið í skuggann á atburðarásinni sem átti sér stað í viðtalinu hjá talkSPORT. 

Eftir að Jordan hafði ítrekað reynt að spyrja Wilder út í Fury stóð Wilder upp og strunsaði í áttina að Jordan og stigu öryggisverðir í settinu inn í til að koma í veg fyrir mögulega stigmögnun aðstæðna. 

Wilder endaði á því að strunsa út úr stúdíóinu.

Box

Mest lesið


Fleiri fréttir

Sjá meira


×

Mest lesið