Elín og Jón Erik fánaberar Ís­lands

Alpagreinafólkið Jón Erik Sigurðsson og Elín Elmarsdóttir Van Pelt mun bera fána Íslands á setningarhátíðinni á morgun. Þau munu bæði keppa í svigi og stórsvigi á leikunum.

Auk þeirra eru í íslenska Ólympíuliðinu skíðagöngufólkið Dagur Benediktsson og Kristrún Guðnadóttir sem bæði hefja fyrr keppni en Jón Erik og Elín.

Í fyrsta sinn í sögu Ólympíuleikanna verða kveiktir tveir Ólympíueldar samtímis, á setningarhátíðinni sem annars fer að mestu fram á San Siro í Mílanó. Annar verður í Mílanó við Arco della Pace og hinn í Cortína á Piazza Dibona.

Draumur frá sex ára aldri

„Það er ótrúlegur heiður að fá að bera íslenska fánann inn á setningarhátíð Ólympíuleikanna. Þetta er stærsta stund ferilsins hingað til og ég er gríðarlega stolt af því að standa hér fyrir hönd Íslands,“ segir Elín á vef ÍSÍ.

Jón Erik segir að æskudraumur sinn sé að rætast. „Það er mikill heiður fyrir mig að fá að halda á fánanum. Mig hefur dreymt um að keppa á Vetrarólympíuleikunum síðan ég var sex ára og að fá líka tækifæri til að bera íslenska fánann er alveg ótrúlegt.“

Keppnisdagskrá Íslendinga

Skíðaganga

Dagur Benediktsson

• 8. febrúar – 20 km skiptiganga (10 km klassískt / 10 km frjálst)
• 10. febrúar – Sprettganga, klassískt
• 13. febrúar – 10 km frjálst
• 21. febrúar – 50 km klassískt

Kristrún Guðnadóttir

• 10. febrúar – Sprettganga, klassískt
• 12. febrúar – 10 km frjálst

Alpagreinar

Jón Erik Sigurðsson

• 14. febrúar – Stórsvig
• 16. febrúar – Svig

Elín Elmarsdóttir Van Pelt

• 15. febrúar – Stórsvig
• 18. febrúar – Svig