Körfubolti

Shabazz á Krókinn

Óskar Ófeigur Jónsson skrifar
Khalil Shabazz er á leiðinni aftur til Íslands en nú með sínu nýja liði sem er Riga Zelli frá Lettlandi.
Khalil Shabazz er á leiðinni aftur til Íslands en nú með sínu nýja liði sem er Riga Zelli frá Lettlandi. Vísir/Diego

Tindastólsmenn slá því upp á miðlum sínum að Khalil Shabazz, fyrrum leikmaður Grindavíkur og Njarðvíkur, sé á leiðinni á Krókinn, sem er rétt en hann er þó ekki að fara að spila með Tindastólsliðinu.

Eftir sigurinn á liði Brussels í Síkinu á þriðjudagskvöldið tryggði Tindastóll sér heimaleik í sextán liða úrslitum Norður-Evrópudeildarinnar, ENBL.

Það er einnig komið í ljós að liðið endar í sjötta sæti deildarkeppninnar og í sextán liða úrslitum verður andstæðingurinn Riga Zelli frá Lettlandi en þeir enduðu í ellefta sætinu.

Nýverið samdi Khalil Shabazz, sem lék með Grindavík fyrri hluta tímabilsins á Íslandi, við lið Riga Zelli og hann lék með þeim í síðustu umferð ENBL-deildarinnar sem kláraðist í kvöld.

Shabazz var með 23,1 stig og 5,0 stoðsendingar að meðaltali með Grindavíkurliðinu og liðið vann fjórtán af sextán leikjum sem hann spilaði. Á síðasta tímabili skilaði Shabazz 21,3 stigum og 5,1 stoðsendingu í leik með Njarðvík.

Leikurinn á móti Riga Zelli fer að öllum líkindum fram 10. mars næstkomandi samkvæmt fréttinni á miðlum Stólanna.

Tindastóll Bónus-deild karla

Mest lesið


Fleiri fréttir

Sjá meira


×

Mest lesið