Hlé á keppni eftir að Jón Erik þeyttist út í vegg

Brautin var orðin heldur laus í sér þegar Jón Erik fór af stað, sá þrítugasti og áttundi sem hóf síðari ferð sína eftir hádegið. Fimm stiga hiti var við botn brautarinnar og hún farin að losna eftir að þeir efstu 30 fóru niður brekkuna eftir hádegið.

Hann átti frábæra fyrstu ferð þar sem hann var þrítugasti og áttundi á tímanum 1:21,61. Hann nær þó ekki sæti í greininni eftir fall dagsins.

Hann þeyttist út í kant og staðan leit hreint ekki vel út um hríð. Gera þurfti nokkurra mínútna hlé á keppni meðan gert var að Jóni Erik en blessunarlega komst á hann á fætur og skíðaði niður það sem eftir var af brautinni í rólegheitum.

Hann er eflaust blár og marinn eftir fallið og þarf nú að ná sér áður en hann keppir í svigi á mánudaginn kemur.