Orri borinn meiddur af æfingu lands­liðsins

Orri var við æfingar í Ásgarði með landsliðshópnum fyrir leikina gegn Litáen í undankeppni HM sem fara fram heima og að heiman þann 27. febrúar og 2. mars.

Sjónarvottur á svæðinu segir dauðaþögn hafa slegið á salinn þegar Orri féll til jarðar og hélt um hnéð. Orri virtist ekki hafa orðið fyrir höggi en meiðslin áttu sér stað í miðju spili.

Orri gat ekki gengið sjálfur að velli og var fluttur burt með sjúkrabörum. Óvíst er hversu lengi hann verður frá en óttast er að meiðslin séu alvarleg.

Orri er einnig lykilleikmaður hjá ríkjandi Íslandsmeisturum Stjörnunnar. Ljóst er að um mikið áfall er að ræða ef hann verður lengi frá. 

Fréttin hefur verið uppfærð.

Upphaflega kom fram að Orri hefði yfirgefið æfinguna á sjúkrabörum. Rétt er að stóru mennirnir Ragnar Nathanaelsson og Tryggvi Hlinason báru hann af velli með handafli.