Ráða­leysi, við­vörun og hetju­saga

Gul viðvörun er í gildi á höfuðborgarsvæðinu og snjó hefur kyngt niður í dag. Við förum út og heyrum í borgarbúum um snjóinn sem lét loksins sjá sig.

Prófkjör Pírata í Reykjavík hefst á morgun. Alexandra Briem og Kristinn Jón Ólafsson sem berjast um oddvitasætið mæta í myndver.

Þá heyrum við í forsætisráðherra sem þáði Prins póló á blaðamannafundi í dag og verðum í beinni frá matarveislu á Food&Fun.

Í Sportpakkanum rýnum við í skíðagönguafrek á Vetrarólympíuleikunum og í Íslandi í dag hittum við sjö ára dreng sem er á batavegi eftir langa og hetjulega baráttu við krabbamein. Hann segist þó ekki líta á sig sem hetju – heldur illmenni sem noti brosið til þess að drepa krabbameinið.

Þetta og margt fleira á samtengdum rásum Sýnar, Vísis og Bylgjunnar klukkan 18:30.