Gular við­varanir á suð­vestur­horninu

Veðurstofa Íslands hefur gefið út gular viðvaranir á suðvesturhluta landsins í dag og taka þær gildi klukkan níu og standa til klukkan eitt. Reikna má með skafrenningi og litlu skyggni á köflum svo sem á Hellisheiði og Þrengslum en líka á Kjalarnesi og Snæfellsnesi. Vindhviður gætu náð 30 m/s við fjöll sem er varasamt ökutækjum sem taka á sig vind. Því gæti orðið von á samgönguröskunum.

Það snýst svo í sunnan og suðvestan 8-15 m/s í kvöld og nótt með éljum suðvestanlands en birtir til norðaustantil. Hiti í kringum frostmark á morgun.

Veðurhorfur á landinu næstu daga

Á miðvikudag: Sunnan og suðvestan 5-13 m/s og él víða um land, en bjartviðri á Norður- og Austurlandi. Hiti 0 til 3 stig við sjóinn, en vægt frost inn til landsins.

Á fimmtudag: Suðlæg átt, 5-13 m/s og él, en bjartviðri um landið norðaustanvert. Frost yfirleitt 0 til 5 stig.

Á föstudag: Ákveðin sunnan- og suðaustanátt og snjókoma, en slydda eða rigning suðaustantil. Úrkomuminna norðanlands. Hiti kringum frostmark.

Á laugardag: Hvöss sunnan- og suðaustanátt og snjókoma eða slydda, en þurrt að kalla norðan- og norðaustanlands. Hiti nærri frostmarki.

Á sunnudag: Suðvestlæg átt og él, en bjart að mestu norðaustanlands. Hiti kringum frostmark.

Á mánudag: Útlit fyrir vestlæga átt með éljum norðanlands, en annars úrkomulítið.