Hnefaleikakonan unga vöknuð úr dái

Sio mætti Jocelyn Camarillo í fyrsta bardaga kvöldsins á ProBoxTV-viðburðinum í San Bernandino í Kaliforníu á laugardaginn.

Snemma í bardaganum missti Sio meðvitund eftir að hafa fengið nokkur höfuðhögg og var í kjölfarið flutt á sjúkrahús. Þar var henni haldið sofandi.

Fjölskylda og umboðsmaður Sio hafa nú greint frá því að hún sé vöknuð og andi sjálf.

„Hún er enn á gjörgæslu en hún er ekki í öndunarvél og við erum vongóð um bata hennar,“ sagði í yfirlýsingu frá aðstandendum Sios.

„Við bíðum frekari upplýsinga frá læknunum. Hún er nú undir eftirliti þriggja sérstakra læknadeilda sem fylgjast grannt með ástandi hennar.“

Sio, sem er frá Norður-Dakóta, keppti í sínum fyrsta atvinnumannabardaga í september í fyrra. Hún hefur tapað þremur af fjórum bardögum sínum á ferlinum.