„Á meðan það er tími á klukkunni þá er alltaf mögu­leiki til að vinna“

„Ef ég á að vera hreinskilin þá er þetta skemmtilegi hlutinn“ sagði Brittany Dinkins hetja Njarðvíkur eftir sigurinn í kvöld.

„Það er ekkert gefið þú verður að hafa fyrir öllu. Hvaða ferðalag er skemmtilegt ef það er auðvelt? Ég sagði í leikhléinu að þetta væri skemmtilegi hlutinn og við erum með bakið upp við vegg“

„Eins og þjálfarinn minn í háskóla sagði alltaf, frábærir leikmenn skapa frábær augnablik “

Frábær sigur hjá Njarðvík sem þurfti svo sannarlega að hafa fyrir þessum sigri.

„Við vissum að þær myndu mæta af krafti. Við vissum að þetta yrði ekki auðvelt og þær eru að berjast fyrir lífi sínu og eru hættulegar. Við vissum að við þyrftum að mæta tilbúnar og því miður þá náðum við ekki að vera eins beittar og í síðasta leik en við fundum út úr þessu og það er það sem skiptir mestu máli“

Njarðvík átti mjög erfiðan þriðja leikhluta þar sem þær misstu leikinn svolítið frá sér en þær skoruðu bara tólf stig í leikhlutanum og því mikilvægt að missa ekki haus.

„Já klárlega, því líkamstjáningin verður að trúa því ef við trúum þá skiptir það ekki máli svo lengi sem það er tími á klukkunni“

„Á meðan það er tími á klukkunni þá er alltaf möguleiki til að vinna“

Það var rétt rúm sekúnda eftir á klukkunni þegar Brittany Dinkins fékk boltann í hendurnar og kláraði leikinn með frábærum þrist. Það var aldrei neinn vafi í hennar huga að hún myndi negla þetta skot.

„Nei, þetta var skemmtilegi hlutinn. Frábærir leikmenn skapa frábær móment og þjálfarinn treysti mér fyrir þessu og liðsfélagarnir trúðu á mig og þá vinnu sem ég legg inn og ég er bara ánægð að í kvöld stóðum við uppi sem sigurvegarar“

Njarðvík eru búnar að slá út Tindastól og þær eru bjartsýnar með framhaldið.

„Við verðum að halda fókus og vera rólegar. Við megum ekki missa matarlystina“ sagði Brittany Dinkins.