Körfubolti

Hamar/Þór einum sigri frá Bónus eftir sigurkörfu á loka­sekúndu

Óskar Ófeigur Jónsson skrifar
Jadakiss Nashi Guinn skoraði 22 stig fyrir Hamar/Þór í kvöld.
Jadakiss Nashi Guinn skoraði 22 stig fyrir Hamar/Þór í kvöld. Vísir/Anton

Hamar/Þór er einum sigri frá því að halda sæti sínu í Bónusdeild kvenna í körfubolta eftir 79-77 sigur á Fjölni í Grafarvogi í kvöld en liðin spila um laust sæti í úrvalsdeildinni næsta vetur.

Bergdís Anna Magnúsdóttir var hetja Hamars/Þórs því hún skoraði sigurkörfuna undir blálokin. Næsti leikur er á heimavelli Hamars/Þórs.

Hamar/Þór vann fyrsta leikinn 107-83 en það var miklu meiri spenna í kvöld. Fjölnir var fimm stigum yfir í hálfleik, 44-39, og staðan var svo jöfn fyrir lokaleikhlutann, 57-57.

Jadakiss Nashi Guinn skoraði 22 stig fyrir Hamar/Þór, Mariana Duran var með 20 stig og Ana Clara Paz skoraði 19 stig.

Leilani Kapinus var með 31 stig, 19 fráköst og 8 stoðsendingar fyrir Fjölni en Harpa Karítas Kjartansdóttir skoraði átta stig.

Þriðji leikurinn í einvíginu fer fram í Icelandic Glacial-höllinni í Þorlákshöfn 18. apríl næstkomandi.

Bónus-deild karla Hamar Þór Þorlákshöfn Fjölnir

Mest lesið


Fleiri fréttir

Sjá meira


×

Mest lesið