Hamar/Þór á­fram í Bónusdeildinni eftir endurkomusigur

Hamar/Þór vann leikinn með níu stigum, 98-89, eftir endurkomu í fjórða leikhluta en leikurinn fór fram í Icelandic Glacial höllinni í Þorlákshöfn.

Hamars/Þórs-konur unnu alla þrjá leikina en tveir síðustu leikirnir voru æsispennandi.

Fjölniskonur voru fimm stigum yfir fyrir lokaleikhlutann, 71-66, en heimakonur setti þá í gírinn, unnu hann 32-18 og tryggðu sér sigurinn.

Jadakiss Guinn var með 32 stig og 8 stoðsendingar fyrir Hamar/Þór, Ana Clara Paz skoraði 20 stig, tók 7 fráköst og gaf 7 stoðsendingar og Jóhanna Ýr Ágústsdóttir skoraði sex þrista og endaði með 18 stig.

Leilani Kapinus var með þrefalda tvennu fyrir Fjölni í kvöld en það dugði ekki. Hún skoraði 24 stig, tók 15 fráköst og gaf 13 stoðsendingar. Aðalheiður María Davíðsdóttir skoraði 19 stig.

Hamar/Þór lenti í næstneðsta sæti Bónusdeildarinnar í vetur og fór því í umspilið með þremur liðum úr 1. deildinni.

Eftir þessi úrslit er ljóst að Aþena og Hamar/Þór verða í Bestu deildinni en Ármann féll úr deildinni og Fjölnir spilar áfram í 1. deildinni.