Kýldur kaldur en ætlar ekki að kæra

Myndband af atvikinu fór í dreifingu á samfélagsmiðlum en Van Gerwen, fyrrverandi heimsmeistari í pílukasti og ein þekktasta stjarna íþróttarinnar, var að skemmta sér á Konungsdeginum í Den Bosch í heimalandinu þegar að atvikið átti sér stað.

Á myndbandinu þar sem það sést hvernig maðurinn kýlir Van Gerwen má sjá að pílukastarinn hefur skömmu áður verið að ræða við manninn og konu sem stóð hjá. 

Allt í einu kýlir maðurinn Van Gerwen í andlitið sem reynir að ná til mannsins í kjölfarið en var stöðvaður af öryggisvörðum.

Í samtali við hollenska miðilinn Sportnieuws segist Van Gerwen ekki vita hvað manninum gekk til.

„Hann hafði klárlega fengið sér of mikið í tánna og frá mínum bæjardyrum séð snöggreiddist hann. Í þann mund sem hann virðist vera að fara yfirgefa svæðið gerir hann þetta. Auðvitað var það ekki rétt hjá mér í kjölfarið að ætla á eftir honum en það voru bara fyrstu viðbrögð. 

Maðurinn viti upp á sig sökina. 

„Hann sendi mér afsökunarbeiðni á Instagram,“ sagði Van Gerwen sem hefur ákveðið að kæra manninn ekki fyrir líkamsárás.

Van Gerwen mætti til leiks í móti á vegum Premier League í Aberdeen í gær þar sem að hann laut í lægra haldi gegn ríkjandi heimsmeistaranum Luke Littler í átta manna úrslitum.