Gluggaþvottur og þakrennuhreinsun fyrir sumarið

„Nú er stærsta törnin að hefjast hjá okkur, það er mest að gera frá maí og fram í ágúst. Við vinnum fyrir húsfélög, fyrirtæki og einstaklinga og sinnum aðallega gluggahreinsun og hreinsun á klæðningum yfir sumartímann,“ segir Ágúst Ármann, stofnandi og eigandi fyrirtækisins. Nú er því rétti tíminn til að panta þjónustu.

Þakrennuhreinsun, viðgerðir og skipti

Skrúbb hefur vaxið hratt og til að mæta auknum umsvifum keypti fyrirtækið körfubíl fyrir síðasta sumar og hefur nú bætt öðrum við. Með því getur Skrúbb sinnt stærri og flóknari verkefnum á hagkvæman og öruggan hátt. Körfubílarnir nýtast sérstaklega vel við gluggaþrif í fjölbýlishúsum og við vinnu við þakrennur en þar hefur fyrirtækið einnig byggt upp sérstöðu.

„Við hreinsum þakrennur og sinnum einnig viðgerðum á þeim og tökum að okkur að skipta út. Við bættum þeirri þjónustu við þar sem eftirspurnin var mikil og ekki mörg fyrirtæki sem sérhæfðu sig í þessari þjónustu. Nú tökum við að okkur fjölbreytt verkefni,“ segir Ágúst en tveir starfsmenn fyrirtækisins sérhæfa sig þakrennum. „Við höfum einnig verið að setja upp snjó- og laufgildrur svo það safnist ekki eins í rennurnar.“

Síar steinefnin úr vatninu svo engir taumar myndast

Ágúst segir að einfaldar og faglegar vinnuaðferðir skili bestu niðurstöðunni þegar kemur að gluggahreinsun.

„Við ákveðnar aðstæður þarf að nota hreinsiefni á gluggana en yfirleitt notum við eingöngu vatn, kúst og sköfu, það skilar langbestum árangri. Hárin á burstanum ná öllum óhreinindum og einnig erum við með dælu sem síar steinefni úr vatninu og þá verða engir taumar eftir á glerinu. Með kústinum er hægt að hreinsa glugga á efri hæðum og skafa án þess að skilja eftir rákir og körfubílarnir gera okkur kleift að sinna hærri húsum,“ segir Ágúst.

Byrjaði einn með kúst

Saga Skrúbbs hófst í janúar 2023 þegar Ágúst ákvað að prófa sig áfram með gluggaþvott í hverfinu. Hann segir boltann hafa rúllað hratt af stað.

„Ég byrjaði bara á því að banka upp á hjá nágrönnum í götunni minni Garðabænum. Ég var bara einn, á bílnum mínum og með einn kúst en þetta gekk strax vel og ég fann að þetta var það sem ég vildi gera,“ segir Ágúst. Frá þeim tíma hefur fyrirtækið vaxið hratt. Í dag starfa 10 til 12 manns hjá Skrúbb.

Að sögn Ágústs hefur eitt mottó fylgt fyrirtækinu frá fyrsta degi. „Við skiljum ekki við kúnnann í ósátt. Það skiptir öllu máli að fólk sé ánægt og við viljum tryggja það.“

Viðskiptavinir geta sent inn fyrirspurn á heimasíðu fyrirtækisins eða hringt beint og óskað eftir tilboði þeim að kostnaðarlausu.