Sport

Dag­skráin í dag: Pressa á Arsenal og Stúkan um kvöldið

Sindri Sverrisson skrifar
Viktor Gyökeres og félagar í Arsenal eru með naumt forskot á Manchester City.
Viktor Gyökeres og félagar í Arsenal eru með naumt forskot á Manchester City. Getty/Justin Setterfield

Fótboltinn er í aðalhlutverki á sportrásum Sýnar í dag þar sem spilað er í Bestu deildum karla og kvenna sem og í ensku úrvalsdeildinni þar sem topplið Arsenal verður á ferðinni.

Sýn Sport

Aston Villa getur komist upp fyrir Liverpool í 4. sæti ensku úrvalsdeildarinnar með sigri gegn Burnley klukkan 13. Klukkan hálffjögur er svo komið að Lundúnaslag West Ham og Arsenal þar sem þrjú stig eru í raun lífsnauðsynleg fyrir bæði lið. West Ham er í fallsæti og Arsenal má helst ekki misstíga sig í baráttunni við Manchester City um Englandsmeistaratitilinn.

Sunnudagsmessan er svo á sínum stað um klukkan 17:35 þar sem farið verður yfir alla helgina í enska boltanum.

Sýn Sport 2-3

Crystal Palace tekur á móti Everton og Nottingham Forest mætir Newcastle, í þriðju síðustu umferð ensku úrvalsdeildarinnar, og eru báðir leikir klukkan 13 líkt og leikur Aston Villa og Burnley á Sýn Sport.

Sýn Sport Ísland

Stjarnan og FH eigast við í hörkuleik í Bestu deild kvenna í fótbolta klukkan 14. Einn leikur er svo á dagskrá í Bestu deild karla þar sem KA tekur á móti ÍBV eftir langt ferðalag Eyjamanna, klukkan 16:30.

Stúkan kryfur svo málin klukkan 20:15.

Sýn Sport Ísland 2

ÍBV hefur farið stórkostlega af stað í Bestu deild kvenna í fótbolta og liðið tekur á móti Þór/KA eftir langt ferðalag Akureyringa, klukkan 14.

Upplýsingar um beinar útsendingar Sýnar má finna hér.

Dagskráin í dag

Mest lesið


Fleiri fréttir

Sjá meira


×

Mest lesið