Ægir hjá Stjörnunni næstu tvö tíma­bil

Hann kom fyrst til Stjörnunnar árið 2018 og spilaði með liðinu til 2021, en þá hélt hann út í atvinnumennsku, en snéri til baka 2023 og hefur síðan spilað í Garðabænum.

Ægir hefur verið lykilmaður hjá Stjörnunni undanfarin tímabil og varð Íslandsmeistari með liðinu á þar síðasta tímabili.

Hann olnbogabrotnaði í 8-liða úrslitum gegn KR í vor og verður í nokkra mánuði að jafna sig af þeim meiðslum. Stjarnan er sem stendur þjálfaralaust lið en Baldur Þór Ragnarsson yfirgaf félagið á dögunum og tók í kjölfarið við Álftnesingum. 

Samkvæmt heimildum íþróttadeildar verður nýr þjálfari tilkynntur fyrir helgi.