Handbolti

Jafnir leikir hjá Ís­lendingunum

Andri Broddason skrifar
Haukur Þrastarsson átti stórleik í kvöld
Haukur Þrastarsson átti stórleik í kvöld Uwe Anspach/picture alliance via Getty Images

Haukur Þrastarsson og félagar í Rhein Neckar Löwen unnu Burgdorf í næstsíðasta leik þýsku úrvalsdeildarinnar í handbolta. Á sama tíma átti Ýmir Örn Gíslason leik með Göppingen á móti TVB Stuttgart.

Haukur Þrastarsson spilaði frábærlega fyrir Rhein Neckar Löwen í kvöld og skoraði ellefu mörk og gaf níu stoðsendingar. Leikurinn endaði með sigri Rhein Neckar Löwen 29-28.

Lið Hauks stendur nú í áttunda sæti deildarinnar og var ljóst fyrir leik að lið hans kæmist ekki í Evrópukeppni. Næsti leikur liðsins er á móti Íslendingaliðinu Gummersbach þar sem Guðjón Valur Sigurðsson þjálfar þá Teit Örn Einarsson og Elliða Viðarsson.

Á sama tíma voru Ýmir og félagar í Göppingen að keppa í gríðarlega jöfnum leik við TVB Stuttgart. Göppingen er sæti neðar en Rhein Neckar Löwen og stendur í níunda sæti. Göppingen tapaði leiknum eftir dramatískt mark Stuttgart á lokasekúndum leiksins. Ýmir og félagar töpuðu því leiknum 33-32.

Næsti leikur Göppingen er gegn Bergischer HC þar sem Arnór Þór Gunnarsson er að þjálfa.

Þýski handboltinn

Tengdar fréttir

Haukur mikilvægari en Gidsel

Haukur Þrastarson er sá mikilvægasti fyrir sitt lið af öllum leikmönnum þýsku úrvalsdeildarinnar í handbolta.

Mest lesið


Fleiri fréttir

Sjá meira


×

Mest lesið