Ís­lands­meistararnir bæta við sig tveimur sterkum leik­mönnum

Greint var frá því í kvöld að íslenska landsliðskonan Ásta Júlía Grímsdóttir, sem og Emma Theodórsdóttir hefðu samið við Njarðvík fyrir komandi tímabil. 

Ásta Júlía er margfaldur meistari sem kemur með gríðarlega reynslu úr félagsliða- sem og landsliðsboltanum. Hún kemur til Njarðvíkur frá Val. 

Emma kemur til Njarðvíkur eftir að hafa lokið háskólagöngu sinni í Bandaríkjunum.

Ásta Júlía er 25 ára gömul, miðherji/framherji, sem á að baki 17 A-landsleiki fyrir Íslands hönd og hefur verið lykilleikmaður hjá Val í hart nær áratug. Emma sem er 23 ára gamall framherji lauk námi hjá George Washington háskólanum í Bandaríkjunum og er á leið í sinn fyrsta samning í Bónusdeildinni.

Samhliða þessu greina Njarðvíkingar frá því að Paulina Hersler og Sofia Roma verði ekki með liðinu á næsta tímabili.