Reyndur sænskur sonur til Ár­menninga

Hinn 26 ára gamli Adam Johansson hefur samið við Ármann en hann hefur undanfarin ár leikið með uppeldisfélagi sínu, Jämtland Basket, í sænsku úrvalsdeildinni.

Ármenningar eru greinilega að fá til sín leiðtogatýpu því hann hefur gegnt stöðu fyrirliða hjá Jämtland.

Þrátt fyrir ungan aldur hefur Adam þegar leikið yfir tvö hundruð keppnisleiki fyrir félagið og kemur því með mikla reynslu úr einni sterkustu deild Norðurlandanna.

Á síðustu leiktíð skilaði Adam að meðaltali 8,3 stigum, 5,1 stoðsendingu og 2,4 fráköstum að meðaltali í leik.

„Hann er leikstjórnandi sem hefur góða yfirsýn yfir völlinn, skapar fyrir samherja sína, hefur gott orð af sér sem leiðtogi og lætur til sín taka innan vallar sem utan,“ segir í frétt á miðlum Ármenninga.

„Félagið bindur miklar vonir við að hæfileikar hans, leikskilningur og reynsla muni styrkja liðið fyrir verkefni komandi leiktíðar,“ segir í fréttinni en Ármenningar misstu á dögunum hinn frábæra Braga Guðmundsson til Keflavíkur.