Arsenal á eftir fyrr­verandi leik­manni Liver­pool

Það er Sky Sports sem greindi fyrst frá þessu núna í morgun en fljótlega á eftir fylgdi David Ornstein hjá The Athletic með tíðindi af áhuga Arsenal á varnarmanninum sem spilaði með Liverpool áður en hann hélt til Bayer Leverkusen. 

Að sögn Ornstein hafa viðræður Arsenal við Bayer Leverkusen um kaup á leikmanninum ekki hafist. Þýska félagið vill ekki selja hinn 23 ára gamla Quansah sem stóð sig vel með liðinu á síðasta tímabili. Quansah sé hins vegar opinn fyrir því að ganga í raðir Arsenal.

Quansah var seldur frá Liverpool til Bayer Leverkusen fyrir um 30 milljónir punda í fyrra og hafði Liverpool forkaupsrétt á Quansah fyrir um 59 milljónir punda en samkvæmt Ornstein er sá réttur útrunninn. 

Quansah getur leyst stöðu miðvarðar og hægri bakvarðar og kom hann við sögu í þremur leikjum með enska landsliðinu á HM í sumar.