Hætta sölu til Japan: Hvalkjötið nýtt í fram­leiðslu bætiefnis

„Ég sé fyrir mér að margir muni vilja fara að veiða hval þegar menn hafa þá undan ströndum landa sinna og landsmenn þjást af blóðleysi. Þetta gæti orðið til þess að hvalveiðar ykjust vítt og breitt um heiminn. Í Afríku er þetta stórt vandamál sunnan Sahara en stórir hvalastofnar eru úti fyrir vesturströnd Afríku,“ hefur Morgunblaðið eftir Kristjáni.

„Ætla þessar þjóðir að láta hvalinn vera þarna á meðan fólkið þjáist og börnin skaddast vegna viðvarandi járnskorts?“

Að sögn Kristjáns stendur til að umbreyta hvalkjöti í bætiefnið Reyðarjárn.

„Við höfum verið að þróa þetta og teljum að það sé framtíðin að nýta kjötið til að búa til þetta duft sem augljóslega er mikill hörgull á í heiminum,“ segir Kristján. 

Þó sé ekki víst að hægt verði að selja vöruna til annarra landa en Færeyja, Noregs og Japan en aðrir leyfa ekki viðskipti með hvalaafurðir.