16 ára gamalt mynd­skeið af Messi vekur at­hygli

Messi hætti í vikunni með argentínska landsliðinu eftir 21 árs feril þar sem hann raðaði inn mörkum, fór á sex heimsmeistaramót og vann einn heimsmeistaratitil.

HM 2010 var annað mótið sem hann fór á með argentínska liðinu sem lék undir stjórn annarrar goðsagnar, Diego Maradona.

Með í för var Jonás Gutiérrez, þáverandi leikmaður Newcastle á Englandi. Hann deildi myndskeiði af Messi sem hann tók upp á hóteli argentínska liðsins.

Þar sést hann halda bolta á lofti sitjandi í einhverjar tvær mínútur eða svo, eftir að hafa tekið við boltanum af Maxi Rodríguez, og líkt og við má búast hefur Messi lítið fyrir því á meðan Jonás og Martín Demichelis horfa gapandi á.

Myndskeiðið hefur farið sem eldur um sinu á samfélagsmiðlum síðasta sólarhringinn og má sjá í spilaranum.