Allt um lokaumferðina og svona er skiptingin í Bestu deildinni

KA 2-1 Breiðablik

KA komst upp úr botnsæti Bestu deildar karla í fótbolta með 2-1 sigri á heillum horfnum Blikum á Akureyri í lokaumferðinni fyrir skiptingu. KA er þó enn í fallsæti.

Stjarnan 2-2 ÍBV

Stjarnan náði í stig gegn ÍBV eftir að hafa lent 2-0 undir í Miðgarði í lokaumferð Bestu deildar karla í fótbolta fyrir skiptingu. Stjarnan endar í efsta sæti neðri hlutans en ÍBV fer á botn deildarinnar.

Þór 1-0 FH

Þór vann einkar mikilvægan 1-0 sigur á FH í lokaumferð Bestu deildar karla í fótbolta fyrir skiptingu. Þór er áfram fyrir ofan fallsvæðið og dregur FH hressilega niður í fallbaráttuna með því að jafna Hafnfirðinga að stigum.

Víkingur 2-2 Fram

Fram náði í stig gegn Íslandsmeisturum Víkings í Víkinni í lokaumferð Bestu deildar karla í fótbolta fyrir skiptingu. Fram endar því fyrir ofan KR í öðru sæti deildarinnar fyrir lokakaflann í haust.

ÍA 3-1 KR

Viktor Jónsson skoraði öll þrjú mörk ÍA sem tryggði sér sæti í efri hlutanum með frábærum sigri á andlausum KR-ingum.

Lokastaðan fyrir skiptingu

Keflavík er í efri hlutanum þar sem Stjörnunni tókst ekki að vinna sinn leik við ÍBV. Fram endar fyrir ofan KR vegna taps Vesturbæinga á Skaganum.

Fallbaráttan harðnar til muna þökk sé sigri Þórs á FH og sigri KA á Breiðabliki.