Meistaradeildin spiluð með nýju fyrir­komu­lagi

Í báðum fyrirkomulögum spiluðu öll lið riðilsins hvert við annað bæði á heimavelli og útivelli. Í hinu nýja fyrirkomulagi munu tvö efstu lið hvers riðils fara áfram en hin tvö detta niður í Evrópudeildina. Af þeim tólf liðum sem fara áfram úr fyrsta riðlinum verður þeim skipt í tvo milliriðla þar sem aftur er keppt við öll lið riðilsins á heimavelli og útivelli.

Efstu fjögur lið milliriðlanna fara í útsláttarkeppni þar sem liðin mætast í 8-liða úrslitum. Liðin sem enda í fimmta sæti í milliriðlunum bætast svo við í 16-liða úrslit Evrópudeildarinnar. Leikirnir í 8-liða úrslitum verða spilaðir sem bæði útileikir og heimaleikir en sigurvegarar þeirra viðureigna fara í EHF FINAL4 úrslitakeppnina sem mun halda sama sniði.

Þar hittast öll liðin á sama stað og mætast í undanúrslitum, úrslitum og í leik upp á þriðja sætið. Þar þarf aðeins að vinna einn leik til þess að komast áfram og því ekki um heima- og útileik að ræða.

Barcelona er ríkjandi Evrópumeistari þar sem markmaðurinn Viktor Gísli Hallgrímsson er í liðinu. Liðið vann Fuchse Berlin í úrslitaleiknum sem var spilaður í Lanxess Arena í Þýskalandi. Það er orðinn heimavöllur Final4 keppninnar og verður það þangað til ársins 2029.