Bolton að styrkja sig

Enska úrvalsdeildarliðið Bolton Wanderes heldur áfram að styrkja sig með nýjum leikmönnum og nú hefur liðið fengið til sín Abdoulaye Diagne-Faye frá Lens í Frakklandi á lánssamningi til eins árs. Félagið hefur verið í viðræðum við þennan leikmann í nokkurn tíma en hann er varnarmaður og hefur æft með Bolton í sumar. Lens hefur nú staðfest að gengið hefur verið frá málum varðandi Faye en Bolton hefur möguleika á því að kaupa leikmanninn ef hann stendur sig. Diagne-Faye er landsliðsmaður frá Senegal og mun hjá Bolton hitta fyrir félaga sína, Khalilou Fadiga og El Hadji Diouf. Stærstan hluta síðasta tímabils var hann á lánssamningi hjá Istres en gat ekki komið í veg fyrir að liðið féll úr frönsku deildinni.