Hislop aftur til West Ham

Shaka Hislop, sem staðið hefur á milli stanganna hjá Portsmouth undanfarin ár, er kominn aftur til West Ham og verður að öllum líkindum varamarkvörður hjá félaginu fyrir Roy Carroll. Hislop var ánægður með að vera genginn til liðs við West Ham, og vonaðist til þess að geta veitt Carroll mikla keppni um byrjunarliðsstöðuna. "Ég átti virkilega ánægjuleg fjögur ár hérna. Þá var félagið ofarlega í efstu deild. Núna er kannski staðan öðruvísi, en ég er þó viss um að það býr mikið í liðinu. Ég vonast til þess að ljúka ferli mínum hjá þessu góða félagi."