Gagnrýni á mannfórnir

Hvað hefur Mel Gibson verið að gera undanfarin tvö ár? Leikarinn vingjarnlegi birtist allt í einu á forsíðum blaðanna, draugfullur, öskrandi ókvæðisorðum að gyðingum. Nýjasta mynd hans, Apocylpto, á því vafalítið eftir að vekja töluverða athygli enda hefur Gibson lýst því yfir að hún sé gagnrýni á þær mannfórnir sem vestræn samfélög eru tilbúin að færa fyrir siðmenningu sína.

Apocalypto fjallar um ungan mann sem reynir að bjarga sér undan sársaukafullum dauðdaga og hafa kvikmyndaspekúlantar líkt söguþræðinum við blöndu af Mad Max og Leathal Weapon í framandi umhverfi.Myndin er öll leikin á fornri tungu may-veldisins en leikstjórinn sagði í samtali við kvikmyndavefinn Movieweb.com að það hefði ekki reynst honum erfitt. „Enda ekki mikið talað í myndinni," útskýrði Gibson og upplýsti jafnframt að hann hefði farið víða um Suður-Ameríku til að leita að leikurum í myndina.„Það tók mikið á að finna rétta fólkið og fram að síðasta degi vorum við ekki einu sinni komin með kóng," útskýrir Gibson.

Leikstjórinn segir að meiðsli og hiti hafi sett stórt strik í reikninginn en í upphafi var gert ráð fyrir að tökur stæðu yfir í fjóra mánuði, þegar yfirlauk höfðu Gibson og hinir 800 aukaleikarar verið að í átta mánuði. Apocalypto verður frumsýnd í Bandaríkjunum 8.desember.