Clippers burstaði Phoenix

LA Clippers jafnaði metin í einvíginu við Phoenix Suns í úrslitakeppni Vesturdeildarinnar í nótt með öruggum 122-97 sigri á útivelli. Heimamenn áttu ekkert svar við stóru mönnunum hjá Clippers og það voru ekki síst fráköstin sem gerðu útslagið í gær, þar sem Clippers hafði ótrúlega yfirburði 57-26.

Elton Brand skoraði 27 stig og hirti 10 fráköst hjá Clippers og þeir Sam Cassell og Cuttino Mobley skoruðu 23 hvor. Raja Bell skoraði 20 stig fyrir Phoenix og Leandro Barbosa skoraði 18 stig.