Sport

Margrét Lára skoraði sjö mörk á afmælisdaginn

Ekki er hægt að segja að mikil spenna sé í leikjum bestu og lakari liðanna í Landsbankadeild kvenna
Ekki er hægt að segja að mikil spenna sé í leikjum bestu og lakari liðanna í Landsbankadeild kvenna

Valskonur halda uppteknum hætti í toppbaráttunni í Landsbankadeild kvenna í knattspyrnu og í kvöld valtaði liðið yfir Fylki 14-0 á Valbjarnarvelli. Margrét Lára Viðarsdóttir hélt upp á tvítugsafmælið sitt með því að skora 7 mörk í leiknum. Þrír aðrir leikir fóru fram í deildinni í kvöld.

Nýr leikmaður Vals, Julie Stewart, skoraði þrennu í leiknum, Rakel Logadóttir skoraði tvö mörk og þær Telma Gylfadóttir og Katrín Jónsdóttir skoruðu sitt markið hvor. Valur er á toppi deildarinnar með 30 stig.

Hólmfríður Magnúsdóttir skoraði tvö mörk og Margrét Þórólfsdóttir eitt þegar KR lagði Keflavík 3-0 á útivelli. Stjarnan lagði lið KA/Þórs 3-0 með mörkum frá Helgu Jóhannesdóttur, Soffíu Gunnarsdóttur og Bjarkar Gunnarsdóttur.

Loks vann lið Breiðabliks auðveldan sigur á lánlausu liði FH 12-1 í Hafnarfirði.

Íslenski boltinn Innlendar Íþróttir Pepsi Max-deild kvenna

Mest lesið


Fleiri fréttir

Sjá meira


×

Mest lesið