KR-ingar lögðu Íslandsmeistarana

KR er komið á topp Iceland Express-deildarinnar í körfubolta eftir góðan sigur á Íslandsmeisturum Njarðvík í Frostaskjólinu í kvöld, 75-69. Skallagrímur stökk upp í annað sæti með því að leggja Grindavík af velli á heimavelli sínum, 83-74.

Tveir aðrir leikir voru á dagskrá í körfuboltanum í kvöld; Fjölnir tapaði fyrir ÍR á heimavelli sínum, 79-89 og þá vann Keflavík auðveldan sigur á Hamari/Selfoss í Sláturhúsinu, 81-63.

KR er með 14 stig eftir átta leiki í efsta sæti deildarinnar en Skallagrímur, Snæfell og Grindavík hafa öll 12 stig. Snæfell hefur þó leikið einum leik færra en keppinautar sínir. Íslandsmeistarar Njarðvík og Keflavík hafa hlotið 10 stig.