Tónlist

Góð stemning á G! í Færeyjum

G! fer fram í Götu sem er heimabær Eivarar Pálsdóttur en hún spilar alltaf á hátíðinni. Hér sést yfir ströndina þar sem tónleikar hennar fóru fram.
G! fer fram í Götu sem er heimabær Eivarar Pálsdóttur en hún spilar alltaf á hátíðinni. Hér sést yfir ströndina þar sem tónleikar hennar fóru fram.
Hin stórfenglega tónlistarhátíð G! festival fór fram í hinum þúsund manna bæ Götu í Færeyjum um síðustu helgi. Steinþór Helgi Arnsteinsson var á staðnum og skemmti sér konunglega ásamt um fimmtungi færeysku þjóðarinnar.
Flottir Dr. Spock tryllti færeyska lýðinn eins og við var að búast og setti punktinn yfir i-ið á seinasta kvöldi hátíðarinnar.

G! tónlistarhátíðin hefur undanfarið ár alltaf verið að vekja meiri og meiri athygli hérlendis. Kannski ekki skrítið þar sem hátíðin er hinn fullkomni meðalvegur milli verslunarmannahelgarinnar og Hróarskeldu; partí og gott stuð í bland við góða tónlist og unaðslegt umhverfi. Án efa ein af skemmtilegustu tónlistarhátíðum sem ég hef heimsótt.

Töfrandi Sjarmatröllið Pétur Ben spilaði ásamt Sigtryggi Baldurssyni og Óttari Sæmundsen í sólskininu í Götu en það kemur ekki oft fyrir að Pétur spili með heilli sveit erlendis. Fréttablaðið/steinþór helgi

Þrjár íslenskar sveitir spiluðu á hátíðinni að þessu sinni en þær hafa iðulega verið fastagestir. Ultra Mega Technobandið Stefán spilaði á hátíðinni undir merkjum Iceland Airwaves en í staðin mun færeyska sveitin Boys in a Band spila fyrir hönd G! á Airwaves í október. Auk UMTBS spiluðu Pétur Ben og Dr. Spock einnig á hátíðinni og var magnað að fylgjast með áhorfendum sem oft sungu hátt og snjallt með.

Í ljósaskiptunum Hljómsveitin Guillemots frá Bretlandi var eitt stærsta nafnið á G! í ár. Hljómsveitin spilaði fyrir um átta þúsund manns á ströndinni í Götu rétt eftir sólsetur á laugardagskvöldinu og stóð sig feykilega vel.

.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.