Jackson braut skilorð

Bakvörðurinn skrautlegi Stephen Jackson sem nýverið gekk í raðir Golden State Warriors í NBA deildinni, braut skilorð í fyrra þegar hann lenti í áflogum og skaut af byssu fyrir utan strípibúllu í Indianapolis. Dómari í málinu komst það þessu í dag, en Jackson var enn á skilorði eftir áflogin á leik Detroit og Indiana fyrir tveimur árum.

Reglum samkvæmt gæti Jackson því átt á hættu að þurfa að dúsa í fangelsi í 30 daga fyrir skilorðsbrotið, en lögmaður hans er ekki á því að refsingin verði það þung.