Eiður Smári kannast ekki við áhuga Man Utd

Eiður Smári Guðjohnsen segist ekki kannast við meintan áhuga Manchester United um að fá hann í sínar raðir og segist reikna með að verða áfram hjá Spánarmeisturum Barcelona. Þetta segir hann í einkaviðtali við Sky sjónvarpsstöðina í dag.

"Ég hefur ekki talað við neinn hjá Manchester United og það eina sem ég hef frétt af málinu er það sem ég hef lesið í blöðunum. Barcelona hefur heldur ekki minnst á þetta við mig og ég held að staða mín hér sé óbreytt. Ég væri alveg til í að spila meira en ég geri, en það er ekki hlaupið að því hjá liði eins og Barcelona. Ég verð því að nýta hvert einasta tækifæri sem þjálfarinn gefur mér því leikmaður sem nýtur trausts þjálfarans getur alltaf hjálpað liðinu í að ná árangri," sagði Eiður.