Líkin hrannast upp í Bretlandi

Lík hrannast nú upp í líkhúsum í Bretlandi, en fjármálakreppan þar í landi hefur gert að verkum að aðstandendum gengur illa að selja eignir úr dánarbúum til að greiða fyrir útför ættingja sinna. Hið opinbera veitir nærri 900 evra styrk til greftrunar, en seinagangur og skriffinnska í breska ríkisbákninu gerir að verkum að greiðslur berast seint.

Fjármálakreppan hefur orðið til þess að útfararþjónusta, sem reiðir sig á lánsfé til að fjármagna daglegan rekstur, er mjög aðþrengd. Útfararstofur treysta sér því ekki lengur til að veita viðskiptavinum sínum lán fyrir greftrunarkostnaði, með þeim afleiðingum að dæmi eru um að lík bíði í tvo mánuði eftir greftrun.