Fyrsta plata Söndru

Hljómsveitin Sing For Me Sandra hefur sent frá frá sér sína fyrstu plötu, Apollo"s Parade. Sing For Me Sandra kemur úr Reykjavík, Kópavogi og Garðabæ og hefur verið starfandi frá árinu 2006.

Hún vakti fyrst athygli í fyrra með sínu fyrsta smáskífulagi, The Fight. Lagið fékk góðar undirtektir og náði meðal annars á vinsældalista X-ins og Rásar 2. Næst á eftir kom smáskífulagið Time Will Tell sem fékk einnig góð viðbrögð.

Meðlimir Sing For Me Sandra eru Helgi Einarsson á trommur, Jón Helgi Hólmgeirsson sem spilar á gítar og syngur, Ragnar Már Jónsson á gítar, Þorkell Helgi Sigfússon gítarleikari og söngvari og Örn Ýmir Arason spilar á bassa og syngur. Nánari upplýsingar um sveitina má nálgast á Recordrecords.is/singformesandra.