Vill minni brjóst

Bandaríska söngkonan Jessica Simpson segist almennt ánægð með vöxt sinn en viðurkennir að hún vildi gjarnan vera með eilítið minni barm og aðeins stærri bakhluta. „Ég er með lítinn rass. Ég mundi gjarnan minnka brjóstin og bæta á rassinn ef ég gæti."

Stúlkan hefur glímt við þyngdina síðustu ár og segist ekki skilja af hverju þyngdarbreytingar hennar vekja eins mikla athylgi og þær gera. „Í heilt ár talaði fólk um lítið annað en þyngd mína. Það að vera frægur fyrir að þyngjast er út í hött. Mér fannst ég aldrei líta jafn illa út og fjölmiðlar vildu meina. En núna er ég öruggari með sjálfa mig en ég hef áður verið."