Senna eftirmaður Toure hjá Barcelona?

Marcos Senna er nú sterklega orðaður við Barcelona sem leitar að eftirmanni Yaya Toure á miðjuna. Senna leikur með Villareal en hann er orðinn 34 ára gamall.

"Ég er viss um að ég Barcelona talar við Villareal muni félagið mitt ekki hindra það að ég fari. Það væri einstakt tækifæri fyrir hann að komast til Barcelona," sagði talsmaður Senna.

Leikmaðurinn sjálfur er í miklum metum á Spáni en hann sagði sjálfur við El Mundo Deportivo að það væri heiður að vera orðaður við Katalóníufélagið.

Senna var lykilmaður í spænska landsliðinu á EM 2008 en var ekki valinn í HM hópinn í ár.