Líst ekkert á Friends í bíó

Jennifer Aniston efast um að kvikmynd byggð á sjónvarpsþáttunum Friends verði nokkurn tímann gerð. „Ég get ekki ímyndað mér hvernig hún yrði, kannski ef hún myndi gerast mörgum árum síðar," sagði leikkonan við The Hollywood Reporter.

„Friends-þættirnir eiga að vera í stofunni heima, þeir eiga ekki heima í kvikmyndahúsi," sagði hún og bætti við: „Ég hafði mjög gaman af því sem ég gerði fyrir tíu árum. Það var yndislegt og virkilega gaman en það yrði erfitt að toppa það. En samt á maður aldrei að segja aldrei."