Þráinn og Sigrún Helga komu, sáu og sigruðu

Þráinn Kolbeinsson og Sigrún Helga Lund, bæði úr Mjölni, komu, sáu og sigruðu á Mjölnir Open sem haldið var í dag en mótið er stærsta uppgjafarglímumót á Íslandi. Þráinn og Sigrún sigruðu bæði sína þyngdarflokka sem og opinn flokk karla og kvenna.

Nýir Íslandsmeistarar voru krýndir í bæði karla- og kvennaflokki því þau Gunnar Nelson og Sólveig Sigurðardóttir, sem unnu keppnina fyrir ári síðan, voru hvorug með í ár. Gunnar Nelson var búinn að vinna þrjú ár í röð en er nú að jafna sig eftir hnéaðgerð.

Rúmlega sjötíu keppendur voru skráðir til leiks frá fimm félögum úr Reykjavík, Garðabæ, Akureyri og Reykjanesbæ. Keppt var í fimm þyngdarflokkum karla og tveimur þyngdarflokkum kvenna og opnum flokkum beggja kynja en þetta var áttunda árið í röð sem Mjölnir Open er haldið en mótið er einskonar óopinbert Íslandsmeistaramót í uppgjafarglímu.

Mjölnismenn voru mjög sigursælir og unnu öll gullverðlaun nema ein sem fóru í Reykjanesbæ. Þá var uppgjafartaka Sunnu Wiium í Mjölni gegn Rannveigu Kristínu Randversdóttur í Sleipni/UMFN valið besta uppgjafartak mótsins en úr nógu var að velja enda fjöldi mjög skemmtilegra glíma og takta á mótinu.

Milli 300-400 manns voru í húsinu þegar mest lét og sáu frábærar glímur en vinsældir íþóttarinnar hafa vaxið gríðarlega undanfarin ár.

Þrjú efstu sætin í hverjum flokki urðu sem hér segir:

Opinn flokkur karla:

1. Þráinn Kolbeinsson – Mjölnir

2. Ingþór Örn Valdimarsson – Fenrir

3. Björn Lúkas Haraldsson – Sleipnir/UMFN

Opinn flokkur kvenna:

1. Sigrún Helga Lund – Mjölnir

2. Sunna Rannveig Davíðsdóttir – Mjölnir

3. Auður Ómarsdóttir – Mjölnir

+99kg flokkur karla:

1. Eggert Djaffer Si Said - Mjölnir

2. Davíð Egilsson – Mjölnir

3. Guðmundur Stefán Gunnarsson – Sleipnir/UMFN

-99kg flokkur karla:

1. Þráinn Kolbeinsson – Mjölnir

2. Ingþór Örn Valdimarsson – Fenrir

3. Haraldur Óli Ólafsson – Mjölnir

-88kg flokkur karla:

1. Sighvatur Magnús Helgason – Mjölnir

2. Diego Björn Valencia – Mjölnir

3. Pétur Daníel Ámundarson – Mjölnir

-77kg flokkur karla:

1. Björn Lúkas Haraldsson – Sleipnir/UMFN

2. Björn Vilberg Jónsson – Mjölnir

3. Gunnar Þór Þórsson – Mjölnir

-66kg flokkur karla:

1. Axel Kristinsson – Mjölnir

2. Bjarki Ómarsson – Mjölnir

3. Aron Elvar Zoega – Pedro Sauer

+60kg flokkur kvenna:

1. Sigrún Helga Lund – Mjölnir

2. Auður Ómarsdóttir – Mjölnir

3. Sunna Wiium – Mjölnir

-60kg flokkur kvenna:

1. Sunna Rannveig Davíðsdóttir – Mjölnir

2. Ingibjörg Birna Ársælsdóttir – Mjölnir

3. Ágústa Eva Erlendsdóttir - Mjölnir

Stig félaga:

Mjölnir: 99 stig

Sleipnir/UMFN: 11 stig

Fenrir: 6 stig

Pedro Sauer: 1 stig

Full Circle: 0 stig