Burstaði tennurnar með andlitskremi

Það var stór stund fyrir Breta í fyrra þegar tenniskappinn Andy Murray varð fyrsti Bretinn til þess að vinna risamót í 76 ár. Murray fagnaði titlinum vel og innilega.

Murray lagði þá Novak Djokovic í eftirminnilegum úrslitaleik á US Open. Hann fagnaði með stæl á leiðinni heim og drakk mikið kampavín í flugvélinni.

Svo mikið reyndar að þegar hann kom heim til sín og fór að sofa burstaði hann tennurnar með andlitskremi. Unnusta hans greinir frá þessu í heimildarmynd sem BBC var að gera.

Murray viðurkennir að hann sé hænuhaus þegar kemur að drykkju en vill meina að flugið hafi ekki hjálpað til.