Undanúrslitin klár í Sveitakeppninni í golfi

Sveitakeppni GSÍ fer fram um helgina en keppt er í sjö deildum í karla- og kvennaflokkum á hinum ýmsu golfvöllum á landinu. Nú er riðlakeppnin búin og ljóst hvaða félög mætast í undanúrslitunum.

Hér fyrir neðan má yfirlit yfir það hvaða klúbbar mætast í undanúrslitum í öllum deildum.

Í 1. til 4. deild karla sem og í 1. deild kvenna er leikin holukeppni. Átta lið eru í hverri deild og skiptast þau í A riðil og B riðil.  Í riðlunum keppa allir við alla, hver leikur í 1.deild kvenna og 1.-2.deild karla inniheldur einn fjórmenning og fjóra tvímenninga en í 3. og 4. deild karla eru einn fjórmenningur og tveir tvímenningar.  

Að riðlakeppni lokinni fara tvö efstu liðin í hverjum riðli áfram í undanúrslit, þar liðið í 1.sæti A riðils mætir liðinu í 2.sæti B riðils og svo öfugt.  Sigurvegarar úr þessum leikjum keppa um fyrsta sætið í deildinni og sjálfan deildarbikarinn. Hin liðin í riðlunum keppa um sæti 5 til 8 en tvö neðstu liðin falla um deild.

Sveitakeppni GSÍ 2013, undanúrslit

 

1.deild karla, leikið á Hvaleyrarvelli hjá Golfklúbbnum Keili

Leikur 1: Golfklúbbur Kópavogs og Garðabæjar á móti Golfklúbbi Setbergs

Leikur 2: Golfklúbbur Reykjavíkur á móti Golfklúbbnum Keili

 

1.deild kvenna, leikið á Hólmsvelli í Leiru hjá Golfklúbbi Suðurnesja

Leikur 1: Golfklúbbur Reykjavíkur á móti Golfklúbbi Kópavogs og Garðabæjar

leikur 2: Golfklúbburinn Keilir á móti Nesklúbbnum                   

 

2.deild karla, leikið á Vestmanneyjavelli hjá Golfklúbbi Vestmanneyja

Leikur 1: Golfklúbburinn Leynir á móti Golfklúbbi Vestmanneyja

leikur 2: Golfklúbbur Kiðjabergs á móti Golfklúbbi Borgarnes

 

3.deild karla, leikið á Grænanesvelli hjá Golfklúbbi Norðfjarðar

Leikur 1: Golfklúbburinn Vestarr á móti Golfklúbbi Akureyrar

Leikur 2: Golfklúbbur Grindavíkur á móti Golfklúbbi Ísafjarðar

 

4.deild karla, leikið á Hlíðarendavelli hjá Golfklúbbi Sauðárkróks

Leikur 1: Golfklúbbur Selfoss á móti Golfklúbbi Sauðárkróks

Leikur 2: Golfklúbbur Bakkakots á móti Golfklúbbnum Hamri Dalvík