Barcelona náði aðeins stigi gegn Levante

Barcelona náði aðeins jafntefli gegn Levante í spænsku úrvalsdeildinni í kvöld. Barcelona situr eitt á toppi deildarinnar eftir leikinn en geta misst Atletico Madrid fram úr sér þegar þeir taka á móti Sevilla í kvöld.

Levante náði óvænt forskotinu eftir tíu mínútna leik þegar Loukas Vyntra skallaði hornspyrnu Andreas Ivanschitz í netið. Börsungar voru hinsvegar ekki lengi að svara á sama hátt, Gerard Pique skallaði þá hornspyrnu Xavi í netið.

Þrátt fyrir að hafa verið með boltann meirihluta leiksins gekk Börsungum illa að skapa sér færi. Messi fékk besta færi seinni hálfleiks þegar hann slapp einn gegn markmanni Levante en Keylor Navas í marki Levante sá við honum.

Leiknum lauk því með 1-1 jafntefli og misstu því af mikilvægum stigum í toppbaráttunni. Þetta var fyrsti leikur Barcelona gegn Levante af þremur næstu tíu dagana en liðin mætast í átta liða úrslitum spænska bikarsins.