Þessir skoruðu stigin í körfuboltaleikjum kvöldsins

Njarðvík, Tindastóll, Stjarnan og ÍR unnu öll leiki sína í sjöundu umferð Dominos-deildar karla í kvöld en ÍR-ingar snéru nánast töpuðum leik í sigur með magnaðri frammistöðu í lokaleikhlutanum.

Stjörnumenn komust aftur á sigurbraut eftir sannfærandi 17 stiga sigri á Fjölni í Garðabænum. Justin Shouse er að komast á fullt eftir höfuðmeiðslin og var með 25 stig og 7 stoðsendingar í kvöld.

Stjörnuliði töpuðu fyrir Skallagrími í síðustu umferð, öðru liði við botn deildarinnar, en það var miklu einbeittara Stjörnulið sem mætti til leiks í Ásgarði í kvöld.

Dagur Kár Jónsson og Justin Shouse voru með 45 stig og sjö þrista saman og eru eitt skemmtilegasta bakvarðarpar deildarinnar.

Tindastóll komst upp að hlið KR-inga á toppi Dominos-deildar karla í körfubolta með þvi að vinna 23 stiga sigur á Keflavík á Króknum, 97-74.

Tindastólsliðið, sem er nýliði í deildinni, hefur unnið fjóra leiki í röð og alls 6 af sjö deildarleikjum tímabilsins til þessa. Darrel Keith Lewis heldur áfram frábærri spilamennsku sinni og fór illa með sína gömlu félaga.

ÍR-ingar unnu hreint ótrúlegan sigur á Grindavík, 90-85, í ótrúlegum leik í Seljaskóla. Heimamenn voru heilum 18 stigum undir fyrir loka leikhlutann en náðu á einhvern ótrúlegan hátt að vinna leikinn með því að vinna fjórða leikhlutann 30-7.

Njarðvíkingar sýndu sínar bestu hliðar eftir að þeir komust loksins í gang í 15 stiga sigri á Snæfelli í Ljónagryfjunni í Njarðvík í kvöld.

Mirko Stefán Virijevic átti mjög góðan leik fyrir Njarðvík í kvöld en hann var með 21 stig og 15 fráköst og þá var Logi Gunnarsson með 20 stig og 7 stoðsendingar.

Snæfellingar byrjuðu leikinn vel og unnu fyrsta leikhlutann með tíu stigum, 26-16. Njarðvíkurliðið fann gírinn í öðrum leikhlutanum og þá var ekki aftur snúið. Njarðvík vann annan leikhlutann 33-19 og var fjórum stigum yfir í hálfleik, 49-45, en fylgdi því eftir með ekki mikið lakari þriðja leikhluta sem liðið vann 28-14.

Njarðvík náði mest tuttugu stiga forskoti í þriðja leikhlutanum og nánast gerðu út um leikinn þá. Snæfellsliðið gafst ekki upp og sótti að Njarðvík í lokin en heimamenn stóðust það áhlaup og tryggðu sér góðan sigur.



Úrslit og stigaskor úr leikjum kvöldsins í Dominos-deild karla í körfubolta:



Njarðvík-Snæfell 98-83 (16-26, 33-19, 28-14, 21-24)

Njarðvík: Dustin Salisbery 24/7 fráköst, Mirko Stefán Virijevic 21/15 fráköst, Logi Gunnarsson 20/5 fráköst/7 stoðsendingar, Snorri Hrafnkelsson 12, Hjörtur Hrafn Einarsson 12/4 fráköst, Ágúst Orrason 5, Ólafur Aron Ingvason 2/5 stoðsendingar, Maciej Stanislav Baginski 2.

Snæfell: Christopher Woods 21/9 fráköst, Sigurður Á. Þorvaldsson 21/8 fráköst, Austin Magnus Bracey 16/5 fráköst, Sveinn Arnar Davíðsson 10/4 fráköst, Stefán Karel Torfason 10/10 fráköst, Pálmi Freyr Sigurgeirsson 5.

Dómarar: Jón Bender, Davíð Kristján Hreiðarsson, Georg Andersen



ÍR-Grindavík 90-85 (19-32, 14-21, 27-25, 30-7)

ÍR: Sveinbjörn Claessen 18/4 fráköst, Matthías Orri Sigurðarson 18/6 fráköst/5 stoðsendingar, Trey Hampton 18/7 fráköst, Kristján Pétur Andrésson 12, Hamid Dicko 9/5 stoðsendingar, Sæþór Elmar Kristjánsson 6, Ragnar Örn Bragason 5/4 fráköst, Vilhjálmur Theodór Jónsson 4/4 fráköst.

Grindavík: Oddur Rúnar Kristjánsson 20/6 fráköst, Ólafur Ólafsson 17/9 fráköst/8 stoðsendingar, Ómar Örn Sævarsson 16/12 fráköst/7 stoðsendingar, Hilmir Kristjánsson 14, Rodney Alexander 11/8 fráköst, Þorsteinn Finnbogason 5, Björn Steinar Brynjólfsson 2.

Dómarar: Kristinn Óskarsson, Steinar Orri Sigurðsson, Halldor Geir Jensson

 

Tindastóll-Keflavík 97-74 (27-15, 17-21, 29-22, 24-16)

Tindastóll: Darrel Keith Lewis 26/5 fráköst, Myron Dempsey 23/15 fráköst, Pétur Rúnar Birgisson 18/6 fráköst/8 stoðsendingar, Svavar Atli Birgisson 9/6 fráköst, Helgi Freyr Margeirsson 7, Helgi Rafn Viggósson 7/7 fráköst/4 varin skot, Viðar Ágústsson 5/4 fráköst, Ingvi Rafn Ingvarsson 2.

Keflavík: Guðmundur Jónsson 23/6 fráköst, William Thomas Graves VI 18/8 fráköst, Þröstur Leó Jóhannsson 11/11 fráköst, Davíð Páll Hermannsson 9/4 fráköst, Valur Orri Valsson 5/5 fráköst, Eysteinn Bjarni Ævarsson 4/4 fráköst, Andrés Kristleifsson 2, Hilmir Gauti Guðjónsson 2.

Dómarar: Sigmundur Már Herbertsson, Rögnvaldur Hreiðarsson, Eggert Þór Aðalsteinsson



Stjarnan-Fjölnir 93-76 (22-15, 27-25, 27-14, 17-22)

Stjarnan: Justin Shouse 25/7 stoðsendingar, Dagur Kár Jónsson 20/4 fráköst, Marvin Valdimarsson 16/7 fráköst, Jarrid Frye 14/11 fráköst, Tómas Þórður Hilmarsson 9/11 fráköst/3 varin skot, Jón Orri Kristjánsson 6/6 fráköst, Sigurður Dagur Sturluson 2/5 fráköst, Magnús Bjarki Guðmundsson 1.

Fjölnir: Daron Lee Sims 17/11 fráköst, Róbert Sigurðsson 11/4 fráköst, Þorgeir Freyr Gíslason 10/5 fráköst, Arnþór Freyr Guðmundsson 9, Garðar Sveinbjörnsson 8/4 fráköst, Árni Elmar Hrafnsson 8, Sindri Már Kárason 4/6 fráköst, Valur Sigurðsson 2, Smári Hrafnsson 2, Davíð Ingi Bustion 2, Alexander Þór Hafþórsson 2, Bergþór Ægir Ríkharðsson 1.

Dómarar: Leifur S. Gardarsson, Davíð Tómas Tómasson, Jakob Árni Ísleifsson .