Pallborðsumræður frá Bókmenntahátíð í Reykjavík í beinni útsendingu

Bókmenntahátíð i Reykjavík fer fram dagana 9.-12. september í Norræna húsinu og í Iðnó.

Hátíðin fagnar í ár 30 ára afmæli sínu og verður dagskráin fjölbreytt að vanda. Hana má finna hér. Einnig er hægt að skrá sig á póstlista Bókmenntahátíðar til að fylgjast með nýjum fréttum.

Í dag fara fram pallborðsumræður frá hátíðinni og verður hægt að horfa á þær hér á Vísi. Hér að neðan má sjá dagskrána í dag og neðst í fréttinni er hægt að horfa beint frá umræðunum.

Pallborðsumræður (fer fram á íslensku)

Vilborg Dagbjartsdóttir í samtali við Kristínu Ómarsdóttur

12:00 - 12:45

Norræna Húsið

Vilborg Dagbjartsdóttir skipar sérstakan sess í hugum íslenskra lesenda en hún er meðal annars þekkt fyrir ljóð og barnabækur. Rithöfundurinn Kristín Ómarsdóttir skyggnist inn í hugarheim Vilborgar á sinn einstaka hátt svo úr verður sérstakt samtal þessara tveggja kvenna. Vilborg Dagbjartsdóttir í samtali við Kristínu Ómarsdóttur.

Pallborðsumræður (fer fram á íslensku)

Matur í bókmenntum og bókmenntir um mat

13:00 - 13:45

Norræna Húsið

Matreiðslubókahöfundurinn Nanna Rögnvaldardóttir, sem er löngu orðin landskunn fyrir skemmtileg skrif og umfjöllun um mat á ýmsum vettvangi, fjallar hér um mat í bókmenntum og bókmenntir um mat. Matur í bókmenntum og bókmenntir um mat.

Formleg opnun

Formleg opnun Bókmenntahátíðar í Reykjavík í Norræna húsinu

17:00 - 19:00

Norræna Húsið

Við opnun í Norræna húsinu munu rithöfundarnir Teju Cole og Steinunn Sigurðardóttir flytja erindi. Cole er fæddur í Nígeríu en býr í Bandaríkjunum og rís stjarna hans hátt í bókmenntaheiminum um þessar mundir. Hann hefur gefið út tvær skáldsögur og er auk þess virtur ljósmyndari. Steinunn er meðal þekktustu rithöfunda Íslands, bæði hér á landi […]

Pallborðsumræður ásamt upplestri (fer fram á ensku)

Heimsstyrjöldin síðari í bókmenntum. Á maður og má maður?

Iðnó

Að skrifa um heimstyrjöldina síðari getur verið afar vandasamt og viðkvæmt. Tveir gestir hátíðarinnar hafa skrifað óvenjulegar bækur um þessa mikla hörmungatíma og hér verður rætt um hvernig og hvort rithöfundar eigi að fjalla um voðaverk og hörmungar stríðstíma í bókum sínum. Hinn sænski Danny Wattin skrifar ljúfsára bók um ferðir afa, föður og sonar.

Pallborðsumræður ásamt upplestri (fer fram á ensku)

Töfrar hversdagsleikans í bókmenntum

20:45 - 21:30

Iðnó

Í verkum Helle Helle, Þórdísar Gísladóttur og Óskars Árna Óskarssonar birtast hversdagslegar persónur í hversdagslegum aðstæðum, sem leyna þó á sér þegar betur er að gáð. Hér verður skoðað hvað það er sem gerir hversdagsleikann svo spennandi og áhugaverðan og hvernig þessir höfundar finna sér yrkisefni. Töfrar hversdagsleikans í bókmenntum: Helle Helle, Þórdís Gísladóttir og […