Heimsókn fer af stað í nóvember

„Framundan er þrusu skemmtileg sería af Heimsókn en við ætlum að halda áfram að banka upp á hjá skemmtilegum Íslendingum bæði hér heima og erlendis og gerum fjölda fyrir og eftir breytingar þætti,“ segir Sindri Sindrason en fimmta þáttaröðin af Heimsókn fer af stað í nóvember.

„Mér finnst frábært hvað það er orðið auðvelt að fá fólk í þáttinn enda vita menn að ef allir segja nei, væru engin blöð eða þættir af þessu tagi til og það viljum við alls ekki,“ segir Sindri sem lofar góðri skemmtun klukkan 20:00 á miðvikudagskvöldum í vetur. „Og ef fólk er með ábendingar eða vill koma í þáttinn á það ekki að hika við að hafa samband við mig.“

Þættirnir verða í lokaðri dagskrá á Stöð 2 og því kjörið að fá sér áskrift.