Egill í úrslit á Evrópumótinu eftir hengingu í 1. lotu

Egill Øydvin Hjördísarson tryggði sér í gær sæti í úrslitum á Evrópumótinu í MMA, en Evrópumótið fer fram í Prag í Tékklandi þar sem nokkrir Íslendingar eru við keppni.

Egill mætti í gærkvöldi Tencho Karaenev, frá Búlgaríu, en Egill var ekki lengi að klára Tencho. Hann náði að hengja hann strax í fyrstu lotu og var því leik lokið.

Eina tap Egils á ferlinum til þess kom gegn Tencho í fyrra og var þetta því enn sætari sigur fyrir Egill. Tencho náði að hengja Egil í 1. lotunni í fyrra, en nú snérist leikurinn við.

Egill mætir Paolo Anastasi eða Pawel Zakrzewsk í úrslitunum, en Egill þurfti að mæta í vigtun milli 9 og 11 í morgun. Úrslitabardaginn fer fram í dag, en MMA fréttir greindu fyrst frá.