WOW hefur flug til Miami

WOW air flaug sitt fyrsta flug til Miami í gærkvöldi og mun fljúga þangað allan ársins hring.

Flogið var í nýrri Airbus A330 breiðþotu til Miami International flugvallarins. Blíðviðri tók á móti farþegum úr jómfrúarflugi WOW en sólríkt er þar og hiti í kringum 25 gráður.

„Við erum mjög ánægð með að bæta Miami við leiðarkerfi okkar, en áfangastaðir WOW air eru nú komnir yfir þriðja tuginn. Þessi sólríki staður hefur heillað margan ferðamanninn í gegnum tíðina enda einkennist hann bæði af litríkri menningu, frábærum íþróttaliðum, fjörugu næturlífi og fallegum ströndum. Með því að bjóða upp á flug á jafn lágu verði og raun ber vitni gerum við fleirum kleift að njóta lífsins í sólinni en nokkru sinni fyrr,“ segir Skúli Mogensen stofnandi og forstjóri WOW air í tilkynningu frá flugfélaginu.