Í eldhúsi Evu: Kjúklingaloka með jalepenosósu

Í þáttunum Í eldhúsi Evu, sem sýndir eru á Stöð 2 á fimmtudögum, töfra ég fram ýmsar kræsingar. Hér má finna uppskrift að girnilegum kjúklingaborgara.

Kjúklingaloka með jalepenosósu

700 g úrbeinuð kjúklingalæri

200 g kornflex, mulið

3 – 4 msk ólífuolía

150 g sýrður rjómi

1 – 2 msk sriracha sósa

2 tsk hveiti

salt og pipar

½ tsk hvítlauksduft



Aðferð:

Blandið saman í skál, sýrða rjómanum, sriracha sósunni, salti, pipar, hvítlauksdufti og hveiti. Þerrið kjúklingakjötið vel og setjið ofan í chili sósuna og veltið því næst kjúklingakjötinu upp úr muldu kornflexi. Hitið vel af olíu á pönnu og steikið kjúklinginn í ca. 2 mínútur á hvorri hlið, takið kjúklinginn varlega upp úr pönnunni og leggið í eldfast mót og setjið inn í ofn við 180°C í 20 – 22 mínútur.

Berið stökka kjúklinginn fram með jalepeno sósu og fersku salati í hamborgarabrauði.