Offramboð á rappi heggur í miðasölu Haraldur Guðmundsson skrifar 8. júlí 2017 06:00 Bandaríski rapparinn Rick Ross tróð upp á Secret Solstice. vísir/andri marinó „Það er aðeins of mikið framboð af of líkum viðburðum og maður finnur að það hefur áhrif. Við ákváðum því að bjóða þetta tveir fyrir einn tilboð og núna flýgur þetta út,“ sagði tónleikahaldarinn Þorsteinn Stephensen við Fréttablaðið í gær um miðasölu á tónleika rapparans Young Thug í Laugardalshöllinni sem haldnir voru í gærkvöldi. Athygli vakti þegar viðburðafyrirtæki Þorsteins, Hr. Örlygur, tilkynnti að viðskiptavinum Nova og þeim sem nota snjallforritið Aur byðust tveir miðar á tónleikana Kronik Live, þar sem Young Thug var aðalatriðið, á verði eins. Þar komu einnig fram ellefu innlendir flytjendur, þar á meðal Emmsjé Gauti, Gísli Pálmi og rappsveitin Úlfur Úlfur, og var miðaverð 9.900 krónur. Um fjögur þúsund miðar voru í boði og þegar blaðamaður heyrði í Þorsteini fyrir hádegi í gær var búið að selja um 3.100. „Miðasalan var aðeins undir væntingum en ég var svo sem ekkert stressaður. Við erum með frábæran viðburð en vildum hafa hann vel aðgengilegan fyrir krakkana sem eru komnir í sumarvinnuna og verðum með stútfullt hús.“ Þorsteinn bendir á að á tónleikahátíðinni Secret Solstice í Laugardalnum í júní hafi stigið á svið bæði innlendir og erlendir listamenn hip hop senunnar og fór þar bandaríski rapparinn Rick Ross fremstur í flokki. Í næstu viku muni svo bandaríski rapparinn Post Malone halda tónleika í Hörpu og hljómsveitin Migos troða upp í Laugardalshöll um miðjan ágúst. Einnig megi sjá vinsælustu innlendu rapparana á Þjóðhátíð 2017 og á mörgum öðrum tónleikum í sumar. „Þetta er verkefni sem ég er að vinna með gömlum samstarfsmanni, Robba Kronik, og þetta hafði staðið lengi til. Við ákváðum að prófa og ég held að við endurtökum þetta klárlega á næsta ári með einhverjum svipuðum hætti. Að ég verði með mikið af rappi þar inn á milli finnst mér ekki líklegt,“ sagði Þorsteinn. Birtist í Fréttablaðinu Mest lesið „Og ég varð snargeðveikur“ Lífið „Ég þurfti að breyta hugsun, hegðun og tali“ Áskorun „Þetta breytti því hvernig ég upplifi sjálfa mig og heiminn í kringum mig“ Lífið Krakkatían: Reikistjörnur, regnbogar og kengúrur Lífið Fjölmenni á sjötíu ára afmæli Kópavogs Lífið Bók skilað eftir 56 ára útlán Lífið Stjörnufans í sumarselskap Lífið Hugmyndir fyrir mæðradaginn Lífið Söngvakeppnin og stríðsrekstur Ísraels: „Ég er stolt af landinu mínu“ Lífið Fréttatía vikunnar: Páfakjör, poppstjarna og nýr kanslari Lífið Fleiri fréttir „Maður er í elífu straffi sem tónlistarmaður, getur ekki gert neitt annað“ Óhræddir við raunverulegar tilfinningar Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira
„Það er aðeins of mikið framboð af of líkum viðburðum og maður finnur að það hefur áhrif. Við ákváðum því að bjóða þetta tveir fyrir einn tilboð og núna flýgur þetta út,“ sagði tónleikahaldarinn Þorsteinn Stephensen við Fréttablaðið í gær um miðasölu á tónleika rapparans Young Thug í Laugardalshöllinni sem haldnir voru í gærkvöldi. Athygli vakti þegar viðburðafyrirtæki Þorsteins, Hr. Örlygur, tilkynnti að viðskiptavinum Nova og þeim sem nota snjallforritið Aur byðust tveir miðar á tónleikana Kronik Live, þar sem Young Thug var aðalatriðið, á verði eins. Þar komu einnig fram ellefu innlendir flytjendur, þar á meðal Emmsjé Gauti, Gísli Pálmi og rappsveitin Úlfur Úlfur, og var miðaverð 9.900 krónur. Um fjögur þúsund miðar voru í boði og þegar blaðamaður heyrði í Þorsteini fyrir hádegi í gær var búið að selja um 3.100. „Miðasalan var aðeins undir væntingum en ég var svo sem ekkert stressaður. Við erum með frábæran viðburð en vildum hafa hann vel aðgengilegan fyrir krakkana sem eru komnir í sumarvinnuna og verðum með stútfullt hús.“ Þorsteinn bendir á að á tónleikahátíðinni Secret Solstice í Laugardalnum í júní hafi stigið á svið bæði innlendir og erlendir listamenn hip hop senunnar og fór þar bandaríski rapparinn Rick Ross fremstur í flokki. Í næstu viku muni svo bandaríski rapparinn Post Malone halda tónleika í Hörpu og hljómsveitin Migos troða upp í Laugardalshöll um miðjan ágúst. Einnig megi sjá vinsælustu innlendu rapparana á Þjóðhátíð 2017 og á mörgum öðrum tónleikum í sumar. „Þetta er verkefni sem ég er að vinna með gömlum samstarfsmanni, Robba Kronik, og þetta hafði staðið lengi til. Við ákváðum að prófa og ég held að við endurtökum þetta klárlega á næsta ári með einhverjum svipuðum hætti. Að ég verði með mikið af rappi þar inn á milli finnst mér ekki líklegt,“ sagði Þorsteinn.
Birtist í Fréttablaðinu Mest lesið „Og ég varð snargeðveikur“ Lífið „Ég þurfti að breyta hugsun, hegðun og tali“ Áskorun „Þetta breytti því hvernig ég upplifi sjálfa mig og heiminn í kringum mig“ Lífið Krakkatían: Reikistjörnur, regnbogar og kengúrur Lífið Fjölmenni á sjötíu ára afmæli Kópavogs Lífið Bók skilað eftir 56 ára útlán Lífið Stjörnufans í sumarselskap Lífið Hugmyndir fyrir mæðradaginn Lífið Söngvakeppnin og stríðsrekstur Ísraels: „Ég er stolt af landinu mínu“ Lífið Fréttatía vikunnar: Páfakjör, poppstjarna og nýr kanslari Lífið Fleiri fréttir „Maður er í elífu straffi sem tónlistarmaður, getur ekki gert neitt annað“ Óhræddir við raunverulegar tilfinningar Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira