Lögreglan leitar enn að Heiðari Orra

Lögreglan á höfuðborgarsvæðinu leitar enn að Heiðari Orra Þorleifssyni sem lýst var eftir í gær.

Að sögn Jóhanns Karls Þórissonar, aðstoðaryfirlögregluþjóns hjá lögreglunni á höfuðborgarsvæðinu, er lögreglan að fylgja eftir vísbendingum sem borist hafa vegna málsins.

Jóhann Karl segir lögregluna ekki hafa hugmynd um hvert hann gæti hafa farið en Jóhann Karl segir að svo virðist sem að Heiðar Orri sé ekki með síma á sér og því ekki sé hægt að rekja ferðir hans þannig.

Í tilkynningu lögreglunnar þegar lýst var eftir Heiðari Orra í gær kom fram að hann væri fæddur árið 1986.

Hann er um 170 sentímetrar á hæð, grannvaxinn með blá augu. Hann er krúnurakaður og með rautt skegg.

Síðast sást til Heiðars Orra að morgni sunnudagsins 9. júlí í miðborg Reykjavíkur. Þá var hann klæddur í svarta Adidaspeysu, bláar gallabuxur, með bláa húfu og í rauðum og hvítum Reebok-skóm.

Þeir sem geta veitt upplýsingar um ferðir Heiðars Orra eru vinsamlegast beðnir um að hafa samband við lögregluna í síma 444-1000.