Sport

Annie Mist vann bronsið | Þrír Íslendingar á meðal fimm efstu

Ingvi Þór Sæmundsson skrifar
Annie Mist komst á pall í fyrsta sinn í þrjú ár.
Annie Mist komst á pall í fyrsta sinn í þrjú ár. vísir/gva
Annie Mist Þórisdóttir vann til bronsverðlauna á heimsleikunum í Crossfit.

Þetta er í fyrsta sinn í þrjú ár sem Annie Mist kemst á pall á heimsleikunum. Hún hlaut nafnbótina hraustasta kona heims 2011 og 2012.

Íslendingar röðuðu sér í þrjú af fjórum efstu sætunum í síðustu grein dagsins, Fibonacci Final.

Ragnheiður Sara Sigmundsdóttir vann greinina en Annie Mist endaði í 2. sæti. Sú síðarnefnda hefði þurft að enda í 6. sæti eða neðar til að Ragnheiður Sara kæmist upp fyrir hana á heildarlistanum.

Katrín Tanja Davíðsdóttir, sem vann keppnina 2015 og 2016, varð í 4. sæti í Fibonacci Final og í 5. sæti í heildina.

Ástralinn Tia-Clair Toomey er nýr meistari en hún hafði betur í baráttu við löndu sína, Köru Webb. Aðeins nokkrum sekúndubrotum munaði á þeim í lokagreininni.

Þuríður Erla Helgadóttir endaði í 18. sæti í heildina.

Lokastaðan í kvennaflokki:

1. Toomey 994 stig

2. Webb 992

3. Annie Mist 964

4. Ragnheiður Sara 944

5. Katrín Tanja 914

6. Reed-Beuerlein 888

CrossFit

Tengdar fréttir

Íslensku stelpurnar þurfa góðan endasprett

Fyrir lokadaginn á heimsleikunum í Crossfit er Ragnheiður Sara Sigmundsdóttir í 3. sæti og Annie Mist Þórisdóttir í því fjórða. Katrín Tanja Davíðsdóttir, sem hefur unnið keppnina undanfarin tvö ár, er í 6. sæti.

Mest lesið


Fleiri fréttir

Sjá meira


×

Mest lesið